Një deklaratë të tillë, presidenti i Republikës, Bamir Topi e ka bërë pas ceremonisë së zhvilluar në varrezat e Dëshmorëve të Kombit me rastin e ditës së 28 nëntorit. “Sot Shqipëria është një vend më i sigurt, është një vend anëtar i NATO-s”, ka thënë ndër të tjera presidenti i Republikës, duke sjellë në vëmendje faktin se 97 vjet pas shpalljes së pavarësisë dhe 65-vjetorit të fitimit të Luftës Nacional-Çlirimtare, Shqipëria është një vend i lirë dhe i sigurt në duart e shqiptarëve.
