Tiranë – Kryeministri uron studentët për fillimin e vitit të ri akademik, ofron mbështetje

“Sot në auditore ulen 120 mijë studentë dhe ky përbën një investim të madh për të ardhmen. Ne do të bëjmë çdo gjë të mundur që të shtohet rekrutimi i të rinjve në universitete dhe ky përbën një rekord”, tha në fjalën e tij kryeministri. Duke vijuar këtë argument, ai tha se Gjirokastra përbën një rekord në këtë fushë për numrin e studentëve rajonalë që e ndjekin universitetin e saj dhe këtë “do të përpiqemi që ta kapin edhe universitetet e tjera të rretheve të vendit”. “Universiteti juaj ka një rol të veçantë për qeverinë time. Ne kemi një program ambicioz dhe studentët tuaj janë një pasuri e madhe që duhet shfrytëzuar, pasi ne jemi vendi i kullotave, biodiversitetit dhe nivelit më të lartë të ujërave. Ne do të financojmë projektet tuaja në çdo fushë, ndërsa juve duhet që të jepni sa më shumë kontribut, si një partner i rëndësishëm i qeverisë. Ne kemi nevojë për ju, me qëllim që projektin që nisëm për ullirin, ta shtrijmë dhe në fusha të tjera”, u është drejtuar ai studentëve të universitetit Bujqësor të Kamzës. Ndërkaq, në fjalën e tij, ministri i Arsimit dhe Shkencës, Myqyrem Tafaj ka deklaruar se arsimi i lartë është duke përjetuar reformën e tij më të përshpejtuar në historinë e tij. Ai ka premtuar se është ndër prioritetet e qeverisë pajisja me fondet e duhura për laboratore dhe gjithçka tjetër të nevojshme për universitetet. Ai vlerësoi projektin e ullirit si një ndër më të rëndësishmit, në të cilin bashkë me qeverinë, universiteti Bujqësor i Kamzës mund të japë ndihmën e tij.