Suedi – Ministrat e Jashtëm të BE dënojnë sulmet ndaj Afganistanit

Gjatë takimit të ministrave të jashtëm të Bashkimit Evropian në Stokholm, ky ishte një akt i cili u kritikua së tepërmi, duke u cilësuar si një akt që mund të ishte shmangur. Ministri i Jashtëm i Luksemburgut, Jean Asselborn tha se “Në fakt unë nuk e kuptoj se si bombat mund të hidhen kaq thjesht dhe shpejt. Duhet të ketë rregulla edhe në NATO. Edhe kur vdes vetëm një civil, ky aksion është një aksion që nuk duhet të ndodhë. Çrregullime të tilla janë natyrisht fatale dhe të këqia për imazhin e NATO-s dhe për botën perëndimore“. Ndërsa komisarja e BE-së për politikën e jashtme, Benita Ferrero-Waldner bëri thirrje për të rezistuar. “Ne e dimë që situata në Afganistan është shumë e vështirë. Por ne e dimë edhe se kemi përshkuar vetëm gjysmën e rrugës dhe duhet ta vazhdojmë atë më tej“, tha ajo.