Byroja përjashton Berishën 10 ditë nga Kuvendi

Byroja e Kuvendit ka vendosur që për shkelje të etikës të përjashtojë me 10 ditë nga punimet parlamentare, deputetin demokrat Sali Berisha. Për nënkryetarin e Partisë Demokratike Edmond Spaho, ky vendim ishte i pritshëm. Ai tha se kjo është një arsye për të nxjerrë deputetët demokratë nga Parlamenti në mënyrë që të mos kalojë reforma në drejtësi. Por për nënkryetarin e grupit parlamentar të Partisë Socialiste Taulant Balla, ata që kërkojnë reformën në drejtësi duhet në rradhë të parë të respektojnë ligjet, rregulloren dhe etikën.