Vlorë – Takohen katër presidentët e Ballkanit Perëndimor

Takimi me ftese të presidentit Bamir Topi mbledh kokë më kokë Presidentët e vendeve fqinje, Presidentin e Kosovës, Fatmir Sejdiu, Presidentin e Malit të Zi, Filip Vujanoviç dhe Presidentin e Maqedonisë, Gjorgje Ivanov. Pritet që të katër Presidentët te bashkëbisedojnë për marrëdhëniet dypalëshe, për bashkëpunimin rajonal dhe perspektivën e zhvillimit të tij në kuadër të vizionit të përbashkët euroatlantik të vendeve të Ballkanit Perëndimor. Në përfundim të këtij takimi katërpalësh që do të vijojë përgjatë dy ditëve do të ketë një konferencë të përbashkët shtypi.