Kate Winslet mund të quhet padyshim një aktore e kompletuar tashmë që ka fituar një ‘Academy Award’ dhe mjaft nominime më herët.
Por në vitin 1997 kur doli ‘Titaniku’, fama dhe vëmendja e madhe mediatike duket se ishte më e madhe seç duhet për aktoren e re në atë kohë.
Në eventin ‘BAFTA’s A Life in Pictures’ aktorja rrëfeu eksperiencën që pasoi pas suksesit të filmit.
“Ishte sigurisht një moment mjaft i madh në jetën time. Ishte një moment i madh kthese dhe jeta ime ndryshoi kryekëput brenda natës.”, tha Winslet.
“Gjithçka ndodhi vërtetë brenda një nate, nëse një ditë më parë mund të dilja normalisht të blija qumësht dhe të merrja gazetën, mëngjesin tjetër kjo ishte e pamundur për shkak të paparacëve që gjendeshin gjithandej. Dhe ky ishte një shock shumë i madh, sinqerisht, mund të them se në këto kushte nuk arrita ta shijoja vërtetë suksesin e ‘Titanikut’.
