Danimarkë – Rasmussen jep dorëheqjen nga posti i kryeministrit

Mandati i sekretarit aktual Jaap de Hop Scheffer mbaron më 31 Korrik. Gjatë votimit Turqia kishte kundërshtuar emërimin e zotit Rasmusen, por e pranoi atë pasi mori garanci nga presidenti amerikan Barak Obama dhe premtime nga NATO-ja se do t’i jepeshin disa poste kyçe në aleancë. Një tjetër garanci ishte premtimi i Danimarkës për mbylljen e televizionit Roj, televizion i cili mbështet Partinë e Punëtorëve të Kurdistanit, e ndaluar nga autoritetet turke. Sipas gazetës turke, Hyriet, zoti Rasmusen do të mbajë një fjalim pajtimi me botën myslimane.