Tiranë | Policia godet rrjetin e trafikimit të klandestinëve

Janë vënë në pranga dy persona, Arben Sorra Sekretari i Federatës së Ping Pongut dhe biznesmeni nga Shkodra, Çlirim Sukaj. Pas arrestimit të dy të parëve Policia e kryeqytetit është vënë në kërkim edhe të dy pjesëtarëve të tjerë të grupit kriminal, emrat e të cilëve nuk bëhen të ditur. Burime nga policia bëjnë me dije se personat e dyshuar mashtronin qytetarët duke u marrë në këmbim 5-6 mijë euro për person. Sorra dhe të tjerët paraqiteshin në kufi si sportistë dhe kalonin prej andej personat e mashtruar.